ສປປ ເກົາຫຼີ ທົດລອງຍິງລູກສອນໄຟທີ່ຕິດຕັ້ງຫົວຣົບຂະໜາດໃຫຍ່
ສຳນັກຂ່າວສານສູນກາງຂອງ ສປປ ເກົາຫຼີ (KCNA) ລາຍງານໃຫ້ຮູ້ວ່າ: ປະເທດຂອງຕົນໄດ້ທົດລອງຍິງລູກສອນໄຟນຳວິຖີຍຸດທະສາດ
ທີ່ຕິດຕັ້ງຫົວຮົບຂະໜາດໃຫຍ່ລຸ້ນໃໝ່ “Hwasal-1 Ra-3”, ພ້ອມດຽວກັນນັ້ນຍັງໄດ້ມີການທົດລອງຍິງລູກສອນໄຟຕໍ່ຕ້ານເຄື່ອງບິນຊະນິດ
ໃໝ່ ທີ່ຜະລິດຂຶ້ນດ້ວຍຕົນເອງລຸ້ນ "Pyoljji-1-2" ຢູ່ເຂດນ່ານນ້ຳຕັ້ງຢູ່ພາກຕາເວັນຕົກຂອງປະເທດ.
ອີງຕາມການລາຍງານບໍ່ໄດ້ລະບຸລາຍລະອຽດກ່ຽວກັບໄລຍະຍິງ, ນ້ຳໜັກ ແລະ ປະສິດທິພາບ. ການຍິງລູກສອນໄຟທັງສອງລູກໃນຄັ້ງນີ້,
ເປັນສ່ວນໜຶ່ງຂອງການເຄື່ອນໄຫວແຕ່ລະໄລຍະຂອງອົງການຄຸ້ມຄອງລູກສອນໄຟ ຂອງ ສປປ ເກົາຫຼີ ແລະ ສະຖາບັນວິທະຍາສາດດ້ານປ້ອງ
ກັນຊາດ ທີ່ກ່ຽວຂ້ອງ ເພື່ອແນ່ໃສ່ພັດທະນາເຕັກໂນໂລຊີໃນຫຼາຍດ້ານເປັນຕົ້ນແມ່ນ ປະສິດທິຜົນດ້ານຍຸດທະວິທີ, ປະສິດທິພາບທາງດ້ານເຕັກ
ນິກ, ວິທີການດຳເນີນງານຂອງລະບົບອາວຸດແບບໃໝ່. ການທົດລອງຍິງລູກສອນໄຟນຳວິຖີຄັ້ງນີ້, ຖືເປັນຄັ້ງທີ 6 ຂອງການຍິງທົດລອງໃນປີນີ້.
ແຫຼ່ງທີ່ມາ: ໜັງສືພິມກອງທັບ
ວັນທີ 30/04/2024